martes, 21 de julio de 2015

Midi d`ossoe - Embarradere - Ravier bidea

Embarrader pilarra



   Behartua nago Pau-ko suhiltzaile eta mendi erreskate taldeko kideen interesik gabeko laguntza eskertzera. Midi d`ossoe-ko petit pic gailurretik helikopteroz jaitsi gintuzten. Ivanek erorketa txiki bat izan zuen, txorkatilan min hartuaz. Embarradere lehen metroetan izan zen, baina Ivan gai izan zen bidea bukatu eta petit pic gailurrera iristeko. Jaitsiera beste kontu bat zen, ez zen ibiltzeko gai, eta lesioa okertu zezaken.
   Gertaera honek hausnarketarako aukera eman dit: - Erreskatea profesionala eta doainokoa izan behar du? Euskal erkidegoan, Jaurlaritzak, suteen prebentzio eta itzalketa eta salbamendu zerbitzuak arautzeko lege-aurreproiektua onartzeko bidean da. Honek, erkidegoko suhiltzaileak mobilizatzera bultzatu gaitu. Lege hau lehenago zegoenaren antzekoa dela diogu Suhiltzaileek. Soilik puntu batzuetan ikusten dizkiogu berrikuntza batzuk, eta denak okerrak. Hauen artean bat oso polemikoa da. Aukera zabaltzen bai du zerbitzuaren pribatizazioari. Hau Espainiako erkidego batzuetan martxan dago jadanik, emaitza oso txarrak emanez. 
   Seguru irakurriko zenutela, mendizale aldizkari batek atera bai zuen notizia, Gredosen erreskate batean gertatu ziren gora-berataz. Gaztela La Mancha-k pribatizatu egin du mendiko erreskatea. Tamalez honelako adibide gehiago daude.  
   Beste puntu konfliktiboa, boluntarioei buruzkoa da. Garrantzi gehiago eman nahi dizkiete, profesionalitatea kolokan jarriaz.
   Ez dut luzatu nahi gai korapilatsu honekin, bakarrik adierazi, kalitatezko erreskate zerbitzu bat merezi dugula.

Korkueraren blogetik hartua, seigarren luzeko trazadua beltzez


   Aspalditik Ivan gogotsu zebilen embarrader horman Ravier bidea eskalatzeko, eskaladore kontzientzia izan zuenetik alegia. Aurreko astelehenean bere desioa bete zuen.

Ivan Ravier bidera iristeko bigarren luzean


   Goiz esnatu ginen, laurak aldera, arratsalderako ekaitza emana zegoen, ordurako beran egon nahi genuen. Arin gindoazen material aldetik, soka sinple bat generamatzan eskalatzeko eta Korkueraren krokisak markatzen zituen friend eta mikrofrienak. 

Ravie bidearen lehen luzeetan


   Goizeko zazpietarako eskalatzen hasi ginen. Ez genuen bira hartu, Embarrader-eko azpiko zirkoan hasi genuen eskalada. Bi luzetan Ravier bidearen lehen bileran ginen. Tramu honetan Ivanek min hartu zuen. Eskaladarekin jarraitzea erabaki genuen.



Ivan estutzen
   Bide honetaz ia dena esana dagoela iruditzen zait. Bakarrik gehitu nahiko nuke, krokisetan ez bai da garbi adierazten, seigarren luzeko tiradak zalantzak sortzen dizkidala. Gure krokisak 6b “penoso” adierazten du beste inongo erreferentziarik gabe. Krokis gehiago kontsultatu ditut eta, beste batean 6b “duro a empotrar” adierazten du. Guk luze honetan asko estutu behar izan genuen era askean eta erorketa gabe egiteko. Puntu batean iltzeen linea utzi behar izan genuen, ezkerretara trabeska bat eginez birita batetik, gero pixkanaka ezkerretik eskuinera gorantz igotzen hasteko, laxa batzuetatik, pauso gogor batzuk eginez. Luze hau librean egiteko, behintzat 6b zailtasun horretan, hau da nire ustez era bakarra, eta krokisak ez du ongi adierazten. Interesa duenarentzat krokisean trazadu beltz batez zati hau markatu dut.



   Bidea oso ona da, asko gustatu zait. Midiko ipar aldeak betidanik erakarri nau. Giro Alpino handia du. Bide batzuk eginak ditut udan eta neguan, eskalada bereziak dira Pirineotan dugun aukeren artean. Pozten nau berrogeita hamar urte lehenago zabaldutako eskalada bide batek oraindik asko esatea gure mundu bertikal partikular honetan. 






Embarrader punta Fourche kolladutik

Ivan ez zegoen argazki askotarako


jueves, 9 de julio de 2015

ORDESA- RACSca mama





   !!! Berriro historia idaztea deitzen zaituztet ¡¡¡. Termistocles jeneralak orain bi mila eta bostehun urte Xerxes errege persiarraren inbasioa ekiditeko erabilitako hitzak izan zitezkeen. Harrotasunez betetako hitzak. Ez, hogeita bat garren mende hasieran entzun ditugu, Grezian, politikari baten ahotan. Oraingoan, erasoa, ez zaie hegoaldetik etorri, iparretik baizik. Ez dira milioi soldadu izan gerrarako tramankuluz beteta. Ez, setio ekonomiko eta finantziero bat da, pertsonen duintasunaren kontra.
   Alexis tsiprasek botatako hitz hauek, historiak baieztatzen ditu. Aldiz, ez lukete efektu bera izango munduko beste mandatari baten ahotan. Imajina Mariano Rajoi ausartzen dela hitz hauek erabiltzen, bere alderdi politikoaren mitin kasposo batetan. Segidan, wasapak sutan jarriko ziran, txisteak eta komentario barregarri aldanaz beteta. Zeren, mandatari espainiarrak historia erabili nahiko balu harrotasuna adierazteko, kontrako efektua izango zuen. Mila aldiz harrotasun gehiago zegoen aurreko astean, Madrilen, gay eta lesbianen aldarrikapen festan, Marianok defendatu nahiko zuen herri historian baino.




  Korkuerikaren bloggetik hartua.

   Ivan Urzelai eta biok Racs bidea eskalatzearekin ez dugu inongo historia idatzi. Ez zen gure asmoa ere, egun eder bat pasatzea nahi genuen soilik. Miguel Angel Casals eta Jesus Galvezek bai lortu zutela bide hau zabaltzearekin eskaladaren historian sartzea. Harro egon daitezke ere Manu Beriain eta Javi Aranburu " Papildo", dagoen lekuan dagoela, hiru urte beranduago librean eskalatzea lortu zutelako.
   Nik, ¿zer esan dezaket bide mitiko honetaz? Dagoeneko dena dago esanda. Bakarrik adierazi, eskaladak ez zaituela defraudatuko, hori bai, hobe indartsu joaten bazara.


lehen luzea

Ivan bilerara iristen

ivan bigarrena hasten
 
Cotatuero bat dago munduan

hirugarren luzea

Laugarrenaren hasieran

!!! a ze patioa ¡¡¡

Fraucata atzeko teloian dugula

Gailurrera iristearen saria, Edelweiss loreak


sábado, 4 de julio de 2015

AIZKORRI - Baskonia

Bigarren dorrea


   Aizkorri ez da frikirako. Baskonia bidea ez da oiko bide bat ere, behar baten erantzuna baizik. Mendi eskalada egiteko aukera bat bilatu nahian, paraje paregabetan, Goierriko lurretan, Aizkorriko haitzetan fijatzea eraman zidan. Aralarren majina bat aukera daude alpinismoaz gozatzeko, Aizkorrin berriz neguko eskalada kenduta, haitz eskaladarako ez dago ezer. Beharra esaten dudanean, alpinismoa gure inguruan bultzatzeko interesaz ari naiz. 






   Orain bi urte zabaldu nuen Baskonia, bakarkako eskaladan. Lehenik, erdi dorre dotorea izan zen. Hiru luze ditu eta bidearen zailtasunak bertan aurkitzen dira. Lehen luzea, 6a+ da, haitz onekoa, pausoak ongi irakurri ezkero arazorik gabe egiten dena. Bigarrena, 7a+, tetxu batetik dijoa, ederra da, atletikoa, oso ongi babesten da. Hirugarrena, 6b+, polita da ere, trantsizio bat dauka fisura zabal batetik plakara pasatze artekoa, oso interesgarria.

Motxilak prestatzen


   Hiru luze hauek izan zintezketen nahiko motibo Zegama aldera etorri eta bertan eskalatzeko. Nik zertxobait gehiago nahi nuen, metroak eman nahi nizkion bideari. Aitxuri gailur azpian dagoen azken erresaltean beste luze bat zabaldu nuen, V+ da. Ez dauka gailurrera iristen denaren kanpo beste garrantzirik.  Azkenik, ingurua hobeto aztertu nuen, eta basoan ezkututa lehen erresalte bat aurkitu nuen. Bi luzetan egiten da lehen horma hau. Lehen tiradaren zailtauna 6a da,  nahiz eta ondo garbitzen saiatu nintzen, oraindik belartxua dago. Bigarrena zertxo bat zailagoa eta erakargarriagoa da, 6a+ zailtasuna dauka, eta diedro elegante batetik doa luzearen lehen zatian, irteera berriz delikatua dauka.

Atzubiagako iturrian ura edaten
   Aritz Azkue-rekin egin dut Baskonia bidearen errepikapen hau. Goizeko zazpiretan Beasainen geratu ginen, beti bezala, Bernedoko parkinean. Zazpiterdietan Zagamako apeaderotik oinez abiatu ginen motxilak bizkarrean genituela. Atzubiagako iturrian derrigozko atsenalditxoa egin genuen. Ehiztarien txabola eta gero, sakon-handiko bidea markatu berria dela konturatu ginen, zirkulo gorri batzuk pinta dituzte. Zati honetan, Ehiztarien txabola eta Sakon handi kanala, dago Baskonia bidearen hasiera.

Sakon handira dijoan bidexkan. Marka gorriak ageri dira

   Goizeko bederatzietan lehen paretaren azpian geunden eskaladarekin hasteko prest. Eguerdiko hamabiak genuen jarria ordu tope bezala jaisten hasteko, etxean ordu bietan egoteko hitza eman da atera ginan eta.


Bidearen lehen luzean

   Dorrea eskalatu eta gero jaitsi egin ginan, ez genuen gailurrik egin. Bide honek eskape aukera asko ditu. Dorreko lehen luzea eta bigarrena luze batean egin genituen, aukera honek friend asko eskatzen ditu.


Aritz lehen luzean
  Beroaren beldurrari muzin eginda, berrogehi gradu emanak zeuden egun horretarako, eskalatu genuen. Ez dago gogoa baino gauza indartsuagorik.

Bigarren luzea


Aritz luze honetatik ateratzen

Bigarren dorrea

Lehen luzean

Bigarren luzea batean egiten

Hirugarrena asten

Aritz hirugarrenetik ateratzen

Trepadatxoa dorrearen gailurrera iristeko

Aritz trepada egin eta gero

Azken erresaltea

Jaisten

Aitxuri goizeko lehen eguzki izpiekin