DENALI- MESSNER COULOIR

Alaskara joateko garaia iritsi zen 2003-an. Kanurekin aritu nintzen ilusioz betea bidaia prestatzen. Gure asmoa Ruth glaziarrean eskalada batzuk burutzea zen. Mont Dickey, Mont Barril, Moose´s tooth dira glaziar onetan aurkitu genezaken mendi eta pareta batzuk. Azkenean, tamalez, kanuk min hartu zuen eta bertan behera utzi zuen bere bidaia. Nik berriz asmoez aldatu eta Denali aldera bideratu nituen nire gogoak. Bakarrik nioan eta bakarka ibiltzeak mendian arazoak sortzen ditu. Arazo handi bat hizkuntza eta komunikazioa zen. Ingelesa bai, baina Nepalen ibiltzeko egokia. Beste arazo handia lekua zen. Hegazkinak uzten zintuen momentutik glaziar batetan zeunden. Glaziarrak arriskuz beteak daude. Beste arazo bat, lekuarekin lotua, isolamendua. Egun asko igarotzen dituzu ingurune arrotz batean, horietako batzuk dendatik ezin irten. Baina gauza guztiek bezala ba dute konponbidea, suertez, Gasteizko Xabier Artola eta Josu Alkaraz topatu nituen. Nire egonaldia erabat aldatu zuten. Plazer bat izan zen Xabierrekin euskaraz aritzea eta Josurekin barre algaraz lehertzea. Joan aurretik bertako eskalada gida ondo begiratua eraman nuen. Ba nituen igoera batzuk begiko. Horietako bat Messner kanala zen. Lehen aldiz Tirolesa eta Oswald Olz mendizaleak igo zutena 1976-an. Bitxia dirudi baina kanal hau lehenago eskiez jaitsia izan zen. 1972-an Silvan Saudan-ek lortu zuen. Mila metro eta 50 gradu dituen korridore zabal bat da.
Mckinley eskalatzeko baimena beharrezkoa da. Ez da zaila lortzea. Gaur egun tramite guztiak internetez burutu ditzakegu. Baldintza bakarra 60 egun lehenago egitea. Aukera izugarriak daude baita ere inguruetan. Zona oso bakartiak. Eguraldi benetan txarra egiten duen toki asko. Baina pazientzia eta suertea duten mendizaleek benetako mendi abenturak burutzen dituztenak.
Bidaia bideoz grabatu nuen. Edizioa kanuk egina da eta musika nik aukeratu dut. Espero dut gustatzea.