PILIER ROUGE DU BROUILLARD- Gabarrou-Long bidea


Brouillard Monzino aterpetik
 


Bidai interesgarria izan zen 2004 urteko ekainean egin genuena Mont blanc aldera.Koadrilan atera giñan eta ori oso aberatsa da. Nere furgonetan Oñatiko Jon Ugarte, Donostiako David Atorra, Ordiziako Iñigo Mutiloa eta ni gindoazen. Madriletik beste kotxe batetan, Txemari eta Papila. Chamonix-en elkartu giñan, eta, Bruno agurtu ondoren, Mont Blanc-eko tunela pasatu genuen Courmayeurera.  Val Veny-ko baiara aldera hartu genuen bertatik, La Visaille deritzon aparkalekuan gaua pasatzeko asmoarekin. Kotxetik irten nintzenean txundirik geratu nintzen inguruarekin. Eskalada gogoak asetzeko majiña horma eta aukera daude  inguruetan. Baina, batek bereziki eraman zuen nire arreta, Brouillard ertz gorriak. Ain bertikala eta estetikoa zen, neurea egiteko ilusioa piztu zizkidala. Txemita ni bezalakoa da orretan, beti gora begira egoten  da. Hurrengo goizean motxilak eskalada ekipoz, lotarako trastuak eta janaz kargaturik, Monzino aterpe aldera bideratu giñan. Kanpatzeko asmoak genituen. Iritsi eta gauzak utzi orduko, eskalatzera joan giñan Croux-eko paretetara. Ederra granitoan eskalatzea. Zailtasuneko bideak aurkitu ditzakezu erdi babesturik. Frienaz edo aseguratzea badago ez dute seguru fixorik ipintzen. Pausoa zaila eta arriskutsua gertatzen bada, barabolta dago kokatua. Lekua ondo dago, baina gu gora begiratzen ari giñan. Bi egun egin genituen eskalatzen Croux-en. Jonek eta Davidek Imnominatako arista eskalatu zuten.
Egun bat beheran pasatu genuen deskantsatzen. Txemarik eta biok Brouillard aldera tiratu genuen. Jon eta David Grandes Jorasses Hirondelleseko espoloira. Papila eta Iñigo Crouxen zituzten oraindik helburu batzuk. Asko kostatu zitzaigun Eccles aterpera iristea. Elur berria eta sakona zegoen. Leher eginda iritsi ginan. Hurrengo goizean rapelatzen glaziarra jaitsi, bera zeharkatu, eta pareta azpira ailegatu giñan. Elur botak, granpoiak eta pioletak bertan utzi genituen, eta soilik katu hankak jantzita abiatu giñan. Egun osoa eman genuen pareta zoragarri onetan. Ederra benetan bidea eta ingurua. Azken eguzki izpiekin lortu genuen gailurrera iristea. Piolaren bidetik rapelatu genuen gauez. Gauez ere Eclles aterpera iritsi giñan. Hurrengo egunean kotxean berriro, hiru taldeak elkarturik, gure esperientzien berri hitz egiten dugu emozio handiarekin. Oraindik denbora genuenez, Chamonix-era bueltatzen gera. Berriro hiru talde egiten ditugu. David, Iñigo, Txemari eta ni Blatier paretara goaz. Jon eta Papila Petit Dru eskalatu nahi dute directa americana bidetik. Guk Fidel fiasco. Oroitzapen oso ederra dut irteera honetaz. Umorea eta eskalatzeko gogoa izan ziren gure partaideak egun oietan.        

Brouillard pareta


Gabarru-Long bidea


Txemita Gabarru-Long bidean

Gabarru-Long bidea