martes, 21 de julio de 2015

Midi d`ossoe - Embarradere - Ravier bidea

Embarrader pilarra




   Behartua nagoenez, eskertu nahiko nituzke Pau-ko suhiltzaileak, eta honela, beraien mendi erreskaterako taldeko kideak. Eskaini ziguten interesik gabeko laguntzagatik oso eskertuak gaude,  Midi d`ossoe-ko petit pic gailurretik helikopteroz jaitsi gintuzten. Ivanek erorketa txiki bat izan zuen txorkatilan min hartuaz. Hau ez zen oztopo izan bidea bukatu eta petit pic gailurrera iristeko. Jaitsiera beste kontu bat zen, ez zen ibiltzeko gai.
   Gertaera onek hausnarketarako aukera ematen dit. Erreskatea profesionala eta doainokoa izan behar du. Euskal erkidegoan, Jaurlaritzak, suteen prebentzio eta itzalketa eta salbamendu zerbitzuak arautzeko lege-aurreproiektua onartzeko bidean da. Onek, erkidegoko suhiltzaileak mobilizatzera bultzatu ditu. Lege hau lehenago zegoenaren antzekoa da. Soilik puntu batzuetan daude berrikuntza batzuk. Hauen artean bat oso polemikoa da. Aukera zabaltzen bai du zerbitzuaren pribatizazioari. Hau Espainiako erkidego batzuetan martxan dago jadanik, emaitza oso txarrak emanez. Seguru irakurriko zenutela, mendizale aldizkari batek atera bai zuen notizia, Gredosen erreskate batean gertatu ziren gora-berataz. Gaztela La Mancha-k pribatizatu egin du mendiko erreskatea. Tamalez honelako adibide gehiago daude.  Beste puntu konfliktiboa, boluntarioei buruzkoa da. Garrantzi gehiago eman nahi dizkiete, profesionalitatea kolokan jarriaz.
   Ez dut luzatu nahi gai korapilatsu onekin, bakarrik adierazi, erreskate zerbitzu kalitatezko bat merezi dugula.
   Aspalditik Ivan gogotsu zebilen embarrader horman Ravier bidea eskalatzeko, eskaladore kontzientzia izan zuenetik alegia. Astelehenean bere desioa bete zuen. Goiz esnatu ginen, laurak aldera, arratsalderako ekaitza emana zegoen, ordurako beran egon nahi genuen. Arin gindoazen material aldetik, soka sinple bat generamatzan eskalatzeko eta krokisak markatzen zituen friend eta mikrofrienak. Goizeko zazpietarako eskalatzen hasi ginen. Ez genuen bira hartu, Embarrader-eko zirkoan hasi genuen eskalada. Bi luzetan Ravier bidearen lehen bileran ginen. Tramu honetan Ivanek min hartu zuen. Eskaladarekin jarraitzea erabaki genuen.
   Bide honetaz ia dena esana dagoela iruditzen zait. Bakarrik, aportatu nahiko nuke, krokisetan ez bai da garbi adierazten, seigarren luzeko tirada. Gure krokisak 6b “penoso” adierazten du beste inongo erreferentziarik gabe. Beste batean 6b “duro a empotrar”. Guk luze onetan, puntu batean,hiltzen linea utzi genuen, ezkerretara trabeska bat eginez birita batetik, ezkerretik eskuin gorantz igotzen hasiz, laxa batzuetatik, pauso gogor batzuk eginez. Luze hau librean egiteko, behintzat zailtasun horretan, hau da nire ustetan era bakarra, eta krokisak ez du ongi adierazten. Interesa duenarentzat krokisean hau markatzen dut.
   Bide oso ona da, asko gustatu zait. Midiko ipar aldeak  betidanik erakarri nau. Giro Alpino handia du. Bide batzuk eginak ditut bai udan eta bai neguan, eskalada bereziak dira Pirineotan dugun aukeren artean. Pozten nau berrogeita hamar urte lehenago zabaldutako eskalada bide batek oraindik asko esatea gure mundu bertikal partikular onetan. 

Korkueraren blogetik hartua, seigarren luzeko trazadua beltzez


Ivan Ravier bidera iristeko bigarren luzean

Ravie bidearen lehen luzeetan

 
Ivan estutzen







Embarrader punta Fourche kolladutik

Ivan ez zegoen argazki askotarako


No hay comentarios:

Publicar un comentario