2011(e)ko apirilaren 7(a), osteguna

KANPAZAR - ANBOTO BIZIKLETAZ ESKALATZERA




   Bero zen atzokoan Euskal Herrian, hezetasun sargoria, jota uzten zaituzten horietakoa. Orain dela bi aste leku honetan nintzen ere, Kanpazarko gainan, eta asmo berdinekin abiatu nintzan "paseo" hau egitera, baina, orduan guztiz kontrakoa izan zen, hotza eta behe lainoa zegoen, buelta hartu behar izan nuen Zabalaundiko lepoan Anbotoko eki pareta ez bait zen ikusten. 
Anboto urrunean ageri da oraindik

Anboto Besaidetik


   Atzokoan berriz egun argia izan nuen burutazio hau egiteko. Kanpazarretik goizean goiz abiatu nintzan bizikletan eskalada materialea neramala. Besaide barrenatik pasatu nintzan lehenbizi, Tellamendi azpitik igaro nintzan gero, eta ia bi ordu pedalei eragin ondoren Zabalaundin nengoen berriz ere. Oraingoan baldintzak bestelakoak ziren, Anbotoren ekialdeko aurpegiaren handitasun osoa ikus zitekeen. Iritxi orduko motxila bizkarrean jarri nuen eta hormarantz hurbiltzen hasi nintzen. Exkillarko kobatik rapel txiki bat eginez pareta azpira iristea lortu nuen. Ikusi nuena gaitik eskalatzaile batzuek lan mardula egin dute pareta hauetan, parabolt berriak agertzen dira non nahi. 

Tellamendi azpian


Ezkillako pasabidea

Anbotoko pareta Exkillatik

 Lehen luzeetan

Oraindik pareta asko dago aurretik


   Eskalatzaile senari jarraikiz txapa distiratsuenak segitzen ditut. Horma handiaren eskuin aldetik noa, ez dut marra ezagutzen.  Oso zaila egiten zaizkit mugimendu batzuk, bakarka eta era askean noa, aldiro agertzen den guztira heltzen dut. Irteera kurioso batetik lortzen dut ateratzera, niretzako gaur eskalatu dudan luzerik politena, Koba batean sarturik, tximini eder batetik egiten dut gora. Ez galdetu zein den bere izena, ez bait dakit. 

Lisoegia librean aritzeko


Azken luze kuriosoa

   Hausnarketa moduan esango dut, paretak pena merezi duela, bati bat ikusirik Euskal herrian horma handi gutxi ditugula. 
  Anbotoko bide arruntetik oinez jaitsi ondoren, Zabalaundin, bizikleta gainera igo nintzen berriro eta pedalei eragiten hasi nintzen Kanpazarera bueltan. Baten batek honelako gerturatze ez ohikoa egin nahiko balu, jakin dezala Urkiolatik motzagoa eta erosoagoa dela pista. Baina ikusten dezutenez niri gustatzen zait gauzak pixka bat aldrebestea. 




      

4 iruzkin:

  1. Mikel ze sistema erabiltzen duzu bakarrik eskalatzeko?.
    Buruari ematen ari naiz, proyecto batzuk aurrera eramateko. Eta salantzak dauzket gri-gri, cinch, soloist?
    Hitz egingo dugu.
    Laister arte

    ErantzunEzabatu
  2. Ia seguru KANTERARIK EZ bidea izango da.
    Agur bat eta eskalada onak izan.

    TXT.

    ErantzunEzabatu
  3. Iepa! Ni ostiralian egon nitzen pareta ontan eskaletan. Bia berri bat zabaltzen nabil eta igoten noian einian beste bia batzun aztarnak bilatu ditut. Asko eskertuko neuke ezagutzen ditxuzuen bien krokisak edo izenak gutxienez emungo baleuztazuez! pareta ontako krokis fundamentuzko bat iten nabil eta urrengo biak ezagutzen ditxut ezk.esku.: pepe bide, kanterarik ez!, el ultimo bolinkobo, la dama, directa original, arrano beltza(neria). Asko eskertuko notzueke informaziñorenbat, krokisa bialdukotzuet!

    ErantzunEzabatu
  4. Apa. La daman eskumara, lingua nabarrorum. Kobazuluan alturan hasten da eta bere eskumatik igoten da gorutza.
    Joxerra

    ErantzunEzabatu