Txindoki - Ipar arista

   Urtero bezala, nik beti horrela ezagutu dut behintzat, Urrian hego haizeak astindu egiten ditu gure bazterrak.  Haize zurrunbilo eroek neguaren etorrera adierazten digute. Bero sargoria joan da, udako algarekin batera, sosegurako prestatzen ari gara, negututzeko.
   Mendiak gorritzen doaz, jadanik hostoak airean dira hegan usoak moduan. Bazterretan, ezkutaturik, ehiztariak tiro egiteko prest dira.
  Bakea urraturik dagoelarik, lasaitasun bila bazter ezkutu bat bilatu beharrean naiz. Hego haizearen indarrez salbu, ehiztaritik urrun, usoak negu gorritik aldentzen diren bezala, nik migrazioa egiteko tokia aurkitu dut Txindokiko ipar aristan.

   Urte asko pasa dira ipar arista lehen aldiz eskalatu nuenetik.  Sokarik gabe, zailtasun gutxiko pasarteak bilatzen gora egiten nuen.
    Bide berri  hau beste gauza bat da. Lehenengo bi erresalteetan, pareta tentea eta giroa bilatzen du bideak, ondoren arista segitzea du helburua. Estu batzuetan, zabalagoa bestetan, erresalteak topatuko ditu edertasuna emateko igoerari. Azken metroetan, gailurraren paretarekin topo egiten duenean, eskuinetara egiten du zeharkaldi luze batetan, mendebalde arista hartzera. Saiatu nahiz zuzen ateratzen, itxurazko haitza bilatu nahian, alperrik izan da, hobe oinez metro batzuk bidea desitxuratzea baino.

   Beno, or duzue beste aukera bat, etxetik gertu, usoak moduan udazkenean Iparretik hegora mugitzeko.

  

Lehen erresaltea

Bigarren erresaltea

Zazpigarren erresaltea